انا ... والجيش

انا ... والجيش

انا كان مالى ماكنت ف
حالى
عايش رايق ولا على
بالى
خلصت الكلية
بتاعتى
والتقدير جيد مش
عالى
جيت اتوظف قاللى
موظف
ورقك ناقص حاجة يا
غالى
موقف تجنيدك فى
الجيش
م التجنيد هاتها
وتعالالى
******
روحت
اجيبها خدتنى وراها
من
طوابير لمكاتب رد
لفيت من
ارضها لسماها
و محدش بيعبر
حد
و خلاص لما زهقت
قالولى
هتسمع ارجا ...سمعت
الرعد
******
ويوم
الارجا ده حتة يوم
ف حياتى
ماشفتله زىّ
ناس قالعة من
الحر هدوم
وناس تقرا وتقول
يا حىّ
نجينا من لبس
الميرى
وانا اصوملك للشهر
الجىّ
******
وبعد
خلاص مالشمس كلتنا
واتهدينا تعب وعذاب
طلع الظابط ويّا ورقنا
وقال خلاص فرجت ياشباب
اللى هنادى عليه راح يلبس
والباقى يجمع ع الباب
قال طب واسنان وصيادلةومحاسبين
يجمعوا ويّا الصول غلاب
قلت نهارنا باينه ملون
اسود فوق والباقى هباب
******
قاللى يا
واد راح ناخدك ظابط
قولت
وماله بس انا خايف
قال من
ايه دول ناس مرتاحة
واللى
يخاف ده ياناس مش عارف
اكل
ومرعى وقلة صنعة
وهبر فلوس
ومحدش شايف
روح يابنى
اعملك قرشين
وهيبقالك برضه
معارف
******
وروحت
الكلية المذكورة
فاكر ان
انا راح ابقى وزير
قمت
لقيت الدنيا خرابة
ليل
ونهار شغال طوابير
لو ع
الراحة دى حاجة قليلة
والبهدلة فى منها كتير
واللى يغمك واللى يهمك
ان الناس الواطية كتير
ضباط صف اخرهم لما
تبقى صحيح الدنيا بخير
يمشى ورا عربية كبدة
او يسرح بأبر بوابير
تلاقيه متعنطز ع الآخر
نافش ريشه تقولشى وزير
عمال يؤمرنا وينهينا
ومبهدلنا بالمشاوير
وان قولت ياناس داحنا محاسبين ودكاتره
وولاد ناس والسن كبير
يقولولك ده الاقدم منك
ومادام اقدم يبقى امير
وانت تنفذ كل كلامه
حتى ان قالك مرة تطير
*******
وبعد ماعلقت الدبابير
وخلاص بقى يتقاللى يافندم
قولت خلاص الدنيا هتحلى
وهنبدأ نعلا ونتقدم
قاموا بعتونى فى وسط الصحرا
فى كتيبة وقائدها مقدم
بلدياتى لكن غلبان
ولا بيأخر ولا بيقدم
والتانى رئيس عمليات
بغزالة وغزالته جنان
يوم يبقى عاقل ومصحصح
وساعات يقلبها بتنجان
عامل عقله بعقل فانلة واحد صاحبى عشان
الوان
طول الليل سهران
ومجلجل
وكمان طول اليوم
نعسان
وعايز الشغل ده يمشى
لوحده
فيه اكتر من كده
خبلان
*******
آدى
حكايتى ويا الجيش
من يوم
مادخلته مارتحت
على طول
بنقول راح تتعدل
ومانيش
شايف غير الفحت
واهى ايام
بتعدى ولكن
رجليها فوق
ودماغها لتحت
*******

هههههههههههههههههههههههههههههههههههههههههههههههههههههههههههههههههههههههههههههه
انشاء الله طالع

جامدة يا واد برافو عليك